TROMSØ MÅLLAG 1954 - 2004

- Eit oversyn over framveksten av mållagsarbeid i Tromsø

- og arbeidet i Tromsø mållag dei siste 50 åra

- (laga til jubileums-festmøtet 08.12.04, av Bjørnar Østgård)

Det finst ikkje møtebøker eller skriftlige notat frå dei første åra då Tromsø mållag var i drift. Herolv Olsen meiner at alt av møtebøker m.v. var lagra i eit skap på Kaffistova, og dette blei borte i den store bybrannen i 1969.

Fleire påstår at det var eit Tromsø mållag før siste verdskrigen. Men denne påstanden har vore vanskelig å late seg verifisere. Men eg fann 06.12.04 eit notat på Statsarkivet, og der er det opplyst at Tromsø mållag blei skipa i november 1927 (Sjå vedlegg). Nazi-styret under krigen gjorde lagsarbeid vanskelig, og kanskje blei Tromsø mållag lagt ned under krigen liksom Troms fylkesmållag blei lagt ned? Til no har eg ikkje funne opplysningar om kor lenge det første Tromsø mållag var i full drift. Heller ikkje opplysningar om aktiviteten.

Lars Berg starta Hålogaland lærarmållag i 1932 (iflg. Aud Kirsti Pedersen). Og brevjournalane på Statsarkivet etter Haalogaland maalkontor viser ein fantastisk innsats i 1920- og -30-åra.

Under siste verdskrigen vart nesten alt av lagsverksemd lagt i dvale, og ungdomslag, mållag osv. måtte etter krigen skipast på nytt. Opplysningane vidare i første delen av dette notatet fortel om arbeidet for å få mållagsarbeidet i gang att etter 1945.

Etter som vi ikkje finn arkivmateriale for Tromsø mållag, må vi nøye oss med små glimt frå andre arkiv om arbeidet i Tromsø mållag.

1. Utdrag frå arkivmateriale for mållaget "Heimhug":

Ved Tromsø lærarskole fanst mållaget "Heimhug", og vi veit at det blei lagt ned før krigen, for di i møtebok frå dette laget står i referat frå medlemsmøte 16.11.46: "Laget har lege nede i 10-12 år". "Heimhug" vart nyskipa 16.11.46 etter førebuingsmøte 19.10.46. 8-9 elevar møtte på skipingsmøtet. Det var god aktivitet i laget i 1947/48, men liten oppslutnad om lagsmøta. M.a. skipa Heimhug underhaldningskveld på "Arbeiderforeningen" 28.01.48. Det blei slik suksess at dei heldt han på nytt 31.01 og 01.02. Billettpris 2 kr og 3 kr. "Programformann Trygve Eidnes seier m.a. i festskriftet at arbeidet til laget for dette året er meir verdt "utetter" enn "innetter".

Heimhug hadde 50-årsdag 14.04.48, men feiringa blei utsett 30.10 og endra til 13.11.48.

"Heimhug" var altså starta alt i 1898.

Om målstoda etter siste verdskrig står m.a i møteboka for Heimhug:

8.2.47: "tek ein talet på skulekrinsar, har nynorsken overvekt, men tek ein talet på elevane, er det berre 1/3 som lærer nynorsk, medan 2/3 lærer bokmål".

8.10.49: "..det var fleire skulekrinsar som hadde gått over til bokmål siste tida."

1949 62 medlemmer. 1950 omtala som eit dårlig arbeidsår, 29 medlemmer.

1952 39 medlemmer. Årsmøte 6.6.52 avlyst, for få møtte fram. Våren 1954: "Mange har tala for å leggje ned mållaget. Men sjølve det at det finst eit mållag, har stort psykologisk verde."

Møteboka for "Heimhug" som ligg på Statsarkivet, går frå 1946 og sluttar i 1958. Det kan sjå ut til at laget då blei lagt ned/gjekk i oppløysning, for det er fleire blanke sider i protokollen.

B. Utdrag frå møteboka for Troms fylkesmållag:

Diktaren og læraren Lars Berg gjorde opptak til eit målting i Tromsø i 1947. Han skriv i møteboka at han samrådde seg med rektor Olav Løkse, Troms landsgymnas, då i Bardu, rektor Riksheim, Tromsø gymnas, rektor P Benum, Tromsø lærarskole, tilsynslærar Peder Skånland, lektor Toralf Lunde, Tromsø lærarskole, og skolestyrar Carl Juliussen, Tromsdalen barneskole. "Alle var oppglødde for tanken", skriv Lars Berg, og fortset:." Løkse, eg og Juliussen var dei som hadde dei fleste samrådingar." To gonger vart det kalla inn til møte, men utsett pga. høya som kom tidlig, og varte lenge pga. regn. Møtet vart så utsett til etter at skolen var kommen skikkelig i gang.

Måltinget vart halde i bededagshelga på Tromsø lærarskole. Møteboka byrjar slik:

"År 1947, 31. oktober, var målmenn frå ymse luter av Troms fylke, skulefolk og andre, samla til møte i gymnastikksalen på lærarskulen i Tromsø. Møtet vart opna klokka 10 av møteleidaren, lærar Lars Berg."

Referat frå dette måltinget har denne sakslista:

Sak 1 Målformene i skriftlig opplæring, innleidd av lærar Lars Berg.

M.a. står i referatet: "Eit trykt framlegg til skriftform i nynorsk for Troms fylke låg

føre på møtet." (Dette var iflg. boka "Han som gjekk først" lag av Lars Berg.

Sak 2. Nynorsken i høgre utdanning. Innleidar var rektor Løkse.

Sak 3. Nynorsk pressekontor. Innleidar var lektor Toralv Lunde.

Sak 4. Skiping av fylkesmållag. Innleidar var tilsynslærar Peder Skånland

Sitat: "Fylgjande vedtak vart gjort:

En skipar oppatt Troms fylkesmållag. Samrøystes vedteke."

Lover med 10 §-ar blei vedtekne, og styre med 5 medl.og 5 varafolk blei valt. Styret

var sett saman av folk frå dei fleste kommunane i Midt-Troms med Olav Løkse, Bardu

som leiar.

Møtet heldt fram laurdag 1. nov.

Sak 6. Drøfting av framlegg til skriftform i nynorsk for Troms fylke

Det blei vedteke at prinsippet i den framlagde normalen skulle fylkesmållaget sende til

alle lærarar i Troms.

Sak 7. Resolusjon til KUD om at dei formene som er tillatne i skriftlig arbeid i skolen, også

må bli ein del av læreboknormalen.

Sak 8. Resolusjon til KUD om opplæringsmålet i småskulen med krav om at opplæringsmålet

både i bokmål og nynorsk i småskulen skal leggast nær talemålet|

Sak 9. Resolusjon til "det vyrde Dept." med krav om å gje føresegner slik at "dei som har

med konfirmasjonsførebuinga å gjere, nyttar eit talemål som er tillempa etter

bygdemålet".

Sak 10. Resolusjonar om a) målbruken i statstenesta, b) målbruken i NRK, c) målbruken i

Vervarslinga for Nord-Norge, d) fylkesmållaget fekk fullmakt til å peike ut

Pressenemnd og opprette eit nynorsk pressekontor i Troms, e) krav om to dags-

nyttsendingar på nynorsk.

Lars Berg fekk stor takk, og det blei uttrykt ønske om eit slikt målting kvart år. Norges mållag løyvde 2000 kr til tiltaket, Troms ungdomsfylking 1000 kr. og BUL; Tromsø spanderte middag på alle deltakarane den første dagen.

Det er ikkje sagt noko i referata om kor mange som deltok. Men det er tvillaust at dette var ei storsamling frå heile Troms av entusiastar for nynorsk, og som ˆ¾g hadde enormt mykje kunnskap om språk. Det er trulig den største målsamlinga i Nord-Noreg når ein ser bort frå at landsmøta i Norges mållag har vore lagt hit.

Lokale mållag måtte skipast, for ingen fanst i Troms etter krigen

Møteboka for fylkesmållaget viser at Tromsø mållag ikkje fanst dei første åra etter 1947.

Til årsmøtet i 1949 hadde berre Målselv og Heimhug mållag sendt utsendingar. I 1951 berre utsending frå Bivrost(Mållag ved Troms landsgymnas). Årsmøtet 1952 hadde utsendingar frå Heimhug og Bivrost(ikkje frå Målselv). Fylkesmållaget hadde då 39 enkeltmedlemmer og 3 lag med tilsaman 96 medlemmer. Framlegg til dette årsmøtet om skifte av namn til Tromsringen vart avvist.. Det blei vedteke å starte "Årbok for Troms".

Årsmøtereferatet frå 13.06.54 viser for første gong utsending frå Tromsø og omland mållag.

Det er god grunn til å ha med tillegget omland i namnet, for Tromsø (by) var jo berre ein liten enklave midt på Tromsøya. Og det var skolar med nynorsk opplæringsmål både på Nord- og Sør-Tromsøya utanom bygrensene.

Olav Løkse hadde til no vore formann, men no blei styret lagt til Tromsø med Jens Heim som leiar

Men i referat frå styremøte seinare på hausten står ˆ¾g: "Næraste oppgåva no er å få fylkesmållaget atterreist." Det har tydelig vore ein knekk i arbeidet i fylkeslaget. Og Tromsø og omland mållag fekk oppgåva med å få i gang eit nynorsk pressekontor

I årsmøtereferatet for fylkeslaget frå 2. juli 1955 står m.a.: "Tromsø og omland mållag, som blei skipa i 1954, hadde 29 lagsfolk (i 1954)." 21 medlemmer i fylkesmållaget deltok på årsmøtet i 1955, og det blei vedteke at fylkesmållaget skulle prøve å få i gang eit lagsbruk(kaffistove) i Indre Troms.

Referat i avisa "Tromsø" viser at Tromsø og omland mållag saman med Heimhug stod for eit fellesmøte på lærarskolen 04.10.56 der skrivar Ivar Eskeland var innleiar.

I møteboka for "Heimhug" finn vi i årsmeldinga for 1956/57 dette sporet etter Tromsømållag: "Mållaget "Heimhug" hjelpte og til med å førebu og planleggja reisa og møta for forfattaren Tarjei Vesaas i mars 1957. Vesaas tolka eigne noveller og dikt først i Sparebanksalen fredag 29.mars der BUL og Tromsø og omland mållag var arrangør."

Og i referat frå årsmøte i "Heimhug" 19.10.57 står m.a.: "Bondeungdomslaget og Tromsø og omland mållag, som vart innbodne, fekk ei særleg velkomsthelsing"

Referat frå årsmøte i fylkeslaget 1964 fortel at dei då hadde som hovudsak: Skriftnormalem for Troms, og det vart vald ei nemnd til å revidere det framlegget til nynorsk normal som vart godkjent på måltinget i 1947. Det deltok folk frå heile fylket på dette årsmøtet. Etter 10 år fekk Jens Heim avløysing som leiar, og fylkesstyret vart flytta til Midt-Troms med Olav Løkse som leiar.

Arbeidet med å få prenta Johan Hveding si Håløygsk ordsamling blei til sist drøfta, og dette var viktigaste saka på 1. styremøtet etter årsmøtet. Det var samla inn 1200 kr til dette arbeidet, og styret i fylkesmållaget garanterte for resten av prentekostnadene, tilsaman 3000,- kr.

Styret arbeidde vidare med å få til Årbok for Troms.

Referat frå årsmøte i fylkesmållaget 1966 viser at Tromsø og omland mållag var representert. Kommunesamanslåinga i 1964 hadde altså enno ikkje ført til nytt namn på mållaget i Tromsø-området. Berre Bardu og Tromsø lokallag var representert på dette årsmøtet.

Styret hadde valt ei nemnd som la fram på årsmøtet i 1966 innstilling til vedtak i samband med Vogt-komiteen si innstilling. Og i den samanhengen vart denne resolusjonen vedteken:

" Troms fylkemållag ber KUD gjere effektive tiltak for så langt råd er, å finne fram til sams terminologi i lærebøkene i dei to skriftmåla."

Referat frå årsmøte i fylkesmållaget 1968 viser at m.a. desse sakene blei drøfta: Årbok for TYroms, Målkontor i Tromsø og eit målregister. "Namnekonsulent Per Hovda heldt eit forvitneleg foredrag om utviklinga av norske stadnamn frå dei eldste tider"(Sitat frå møteboka.)

I årsmeldinga for fylkeslaget 1968 lagt fram for årsmøtet 1969 er for første gong nemnt Tromsø mållag (Utan tillegg --og omland). Det er no berre 7 direkte innmeldte medlemmer i fylkeslaget, og 3 lag (Målselv, Bardu og Tromsø) med tilsaman 110 medlemmer tilslutta fylkesmållaget, Elevmållaga i Finnfjordbotn og ved lærarskolen er ikkje i funksjon, ser det ut til.. Håløygsk ordsamling er no ferdig..

Fylkesstyret hadde fått dr. philos. Halfrid Christiansen til i to omgangar å granske talemålet i Troms. .Arbeidet med å få prenta dialektinnsamlingane er framleis ikkje gjennomført pga. pengemangel, og styret søkjer om pengar frå kulturfondet.. (Og dei er visstnok framleis ikkje prenta i år 2004 !!!)

Årsmøte for 1969 og-70 blei halde 26.06.71 .Løkse hadde dei siste åra bede seg friteken frå vervet som leiar, og no fekk han avløysing. Johan Nymo. Målselv tok over som leiar i fylkesmållaget. Lenvik mållag er kome i gang att i 1970, og det er no 4 lag med tilsaman 112 medl. tilslutta fylkeslaget, men berre 1 beinveges innmeldt medlem (tidl. stortingsmann Hans Stavrand).

Fylkesstyret si årsmelding for 1971 og 1972 viser igjen namnet Tromsø og omland mållag

Med 64 medl. i 1971 og 56 medl.Trulig var det berre ein skrivefeil i årsmeldinga for 1968. Men i 1972 er siste gongen " og omland" er med i namnet. Eg har ikkje funne prov for eit evt, vedtak om å endre namnet. Trulig skjedde det berre ved ein skriveforandring? Frå 1972. blei Herolv Olsen, Tromsø vald til leiar i fylkesmållaget, og arbeidsutvalet lagt til Tromsø med resten av styret og varafolk i Midt-Troms.

Saker som styret arbeidde med i 1973: Nynorske salmar i kjerkene, Skiping av bygdelag etter mønster frå Bø i Vesterålen, forfattarseminar for nordnorske forfattarar, postbankbok på nynorsk, avisinnlegg på nynorsk, formannsmøte/kontaktmøte regionvis i fylket, studiearbeid, brev til meir enn 100 målfolk om å bli med i organisert mållagsarbeid.

1974: Nytt mållag, Harstad målungdom, skipa i 1974 Målting 2.-3. nov. 1974 i Tromsø, bra oppslutning. Plan for pressekontor i Nord-Noreg, eigen spalte i avisa "Nye Troms" starta, samarbeid med Nordland mållag, skiping av nye lag. Til årsmøtet innkalling sendt til 4 lag og 25 enkeltmedlemmer.

På årsmøtet på Fosshøgda gard 09.03.75 blei Kjellaug Jetne vald som ny leiar og med sterk fornying i styret av unge Tromsø-folk. 17.06.75 vedtak i styret om å lage Bok om målet i Nord-Noreg. Arbeidet med denne boka blei ført vidare på neste styremøte., og søknader om økonomisk støtte blei sendt. Arbeid med å få til eige kontor i Tromsø i samarbeid med Tromsø mållag. Studiearbeid og skolemålsarbeid sterkt aktivisert. Lenvik mållag oppattnya. Målungdomslag i Tromsø, Målselv, Finnsnes og Harstad. Fast spalte i "Nye Troms" fungerer, og lokallaga blir inviterte til å bruke spalta. På årsmøtet 04.04.76 blei Kjellaug Jetne attvald som forkvinne. Varanger mållag skipa i 1976 med 25 medlemmer. Vedtak om møte på Sjursnes i Ullsfjorden 11.12.76 for å danne mållag. (Møteboka seier ikkje noko om resultat.).

Godt arbeid i fylkeslagsstyret.

1977: Ørjan B Dahl vald som leiar på årsmøte 17.04.77. Oppnemnt eiga seminarnemnd for Skulemålsseminar i Målselv 19.-20 november i samarbeid med Nordnorsk målungdom. Registrering av målfolk i Troms. Brev til alle laga om halvårsapport om arbeidet i laget.Fylkesstyret har bokført denne merknaden til rapporten frå Tromsø mållag: "Liten aktivitet. Burde prøve å få til arrangement i lag med Målungdomen, m.a. for å få fleire folk på møta.". Sterk aktivitet i fylkesstyret med 10-1|2 styremøte hausten 77 + møte i seminarnemnda. 45 deltakarar på skolemålsseminaret frå, men skuffande deltaking frå vaksenmållaga. Overskott skal delast mellom fylkesmållaget og Målungdomen. Sendt takkehelsing 1.des. til diktaren Arvid Hansen. Skolemålsnemnda i Tromsø mållag har laga faldaren "Skolemålet i Troms" og skipa saman med fylkesmållaget ope møte i Tromsdalen i mai -77 for i få i gang nynorsk.klasse der..

Balsfjord mållag skipa 11. 06.77. I alt 151 medl. i fylkesmållaget, framgang på 13

.Årsmøte i fylkesstyret 18.06.78.Referat frå årsmeldinga 1977 frå Tromsø mållag: "66 medl. ( 4 færre enn året før)., men berre 13-14 kjem på møta. Mindre aktivitet i år. Bokkveld saman med BUL. Planar om samordning av medlemsmøta i TF;TMU og TM, vonar dette vil auke oppmøtet."

I 1978 gjev fylkesmållaget ut "Meldingsbladet" -- nr. 1 i juli 1978 - 1. årgang

(Så langt utdrag frå møteboka for Troms fylkesmållag fordi vi ikkje har funne protokollar frå Tromsø mållag. Men frå 1979 har vi møtebøker for Tromsø mållag, og utdrag derifrå blir i resten av dette notatet ført som samandrag vidare her.)

1979 Leiar Herolv Olsen -- 7 styremøte, 3 lagsmøte og 1 bokkveld.

Festmøte for 25-årsjubileum for oppattskipinga av Tromsø mållag.

Brev til Sk.dir. om rett til å skipe eigne nynorsk-klassar.

Ingen villig til å vere utsending til NM --årsmøtet.

Reidun Mellem deltok for TØ. Mållag på Olsborg om oppstart av nyn.klasse der.

1980 Leiar Herolv Olsen -- 8 styremøte, 7 lagsmøte m/ 13-27 deltakara -- 50 medlemmer.

Møtetema: Nynorskklasse, vitjing av leiaren i NM, Folkeminne frå Salten, Folkeminne

frå Ytre Senja, Kjartan Fløgstad-kveld, Lars Berg-kveld, bokkveld.

Nynorsk-klasse starta ved Kaldfjord skole

1981 Leiar Bjørnar Østgård -- 5 styremøte, 6 lagsmøte m/ 10 -- 35 framm. -- 59 medlemmer.

Møtetema: Målet og mennesket, Nord-Norge i år 2000, Stadnamn som historisk

Kjelde, Verknadene av olje og gass utanfor Nord- Norge, Skolemålsskrivaren på besøk,

Nynorsk i 1980-åra.

1982 Leiar Bjørnar Østgård. -- 5 styremøte, 5 opne møte -- 61 medl.

Møtetema: Stadnamn, Arbeidet i jorskifteverket, Fri marknad for TV/radio eller

NRK-monopol,(debatt), Kvinnearbeid før og no, Mads Gilbert fortel frå Libanon og

Palestina-konflikten. Plakatbukk 8.5 saman med Tø. Målungdom.

Fråsegn om ordtilfanget i nynorsk. Vi rår til å føgje Venås-nemnda.

Rekneskap: Omsetning kr 5.650,60, undersk. Kr 72,60, eige kr 3.578,04

1983 Leiar Liv Ingebrigtsen -- 4 styremøte -2 medlemsøte. -- 1 årsmøte -- i tillegg mange møte

i landsmøtenemnda - 57 medl.

Møtetema: Nordnorsk litteratur og språk, Venås-nemnda si innstilling

21. -- 23. okt 83 arr. Tø mållag seminar for oppattnying av Troms fylkesmållag, som

hadde lege ned i 2 år. Narvik og Målselv mållag møtte i tillegg til Tø. Mållag

1984 Leiar Liv Ingebrigtsen -56 medl. --Hovudsak arr. av landsmøte i NM

Litt av programmet på landsmøtet:

Hovudinnleiar Kjartan Fløgstad, Open kulturkveld på Kulturhuset,

Motivdatostempel/eige brevhus, Landsmøteavis, Olsokgudsteneste, Målseminar før

Landsmøtet, båt-/busstur for delt.. Landsmøtet blir enno omtala av deltakarane som eit

minneverdig landsmøte

1985 Leiar Erling Løkse.

Aktivitetar: Kjøpt inn nyn. Bøker/teikneseriar til nynorskklassane, Annonseaksjonar

Saman med F.mållaget, Møte m/ redaksjonen i Nordlys om nynosrk i avisa, Lars

Berg-minnesmerke Kulturhuset, Tromsø(samarb. m/ Tø. Målungdom) 23.11 Ope møte

Om språkbruken i NRK, 11.11 ope møte på Tromsdalen skole, der foreldra til elevar i

nynorskklassaen var innbedne, med tema:Barne- og ungdomslitteratur

1986

1987 Leiar Reidun Mellem -- 5 styremøte -- årsmøte 10 framm. Opent møte m/30 framm.

Med tema I.Stegane: Norskdomsrørsla i målarbeidet

1988 Leiar Reidun Mellem - 58 medl. -- Store planar etter årsmøtet om 1 lagsmøte/mnd.,

men dette vart berre delvis gjennomført. Stiltevling i grunnskolen. Godt arb. i styret

1989 Leiar Eirik Liland -- 9 styremøte -- 2 opne møte -- 56 medl.

Møtetema: Russisk krigsutstyr gjennom Skibotn-dalen (Samarb. Med norsk/finsk

foreining) -- 20 framm. Ope møte m/Ragnar Hovland 50 framm.

Ei heil Ragnar Hovland-veke, der han vitja vg. skolar 4 t/d

Søknad om stønad til parallellklasse-arb. viser at Tromsdalen har hatt nyn.kl.

sia 1975

1990 Leiar Aud Kirsti Pedersen -- 8 styremøte -- 72 medl.

Arb.oppg.: Stilskrivingstevling i u.sk., parallell-klasse på Lunheim m/ neg.resultat,

Planar om nytt flygeblad til skolemålsaksjonar. Haustsamling i Buvika m/ 29 framm.

Presentasjona av bokhausten m/ 9 pers. og 18 bøker. 40-50 delt.Lokalradioen hadde

timesprogram om dette, og avisa "Tromsø" heilsideoppslag. Eige 14.600 kr

1991 Leiar Aud --Kirsti Pedersen - 9 styremøte -- 85 medl.

Aktivitetar: Haustutflukt m/soppkurs -- Gratis nynorskkurs der 70 delt. møtte første

kvelden. I alt 5 skolar m/ nynorskklassar. Ny skolemålsbrosjyre utarbeidd.

Årsmøte for Nordnorsk målungdom i Tromsø i mars. Skolemålskonferanse for

Nordnorsk målungdom i okt. i Tromsø. 2298 kr i underskott. Eige 6800 kr

1992 Leiar Wenche Øvergaard - 8 styremøte -- 75 medl.

Aktivitetar: Mykje arbeid med skolemålsbrosjyren. Styret klarte å skaffe pengar til

Trykking.

9581 overskott. Eige 14.084 kr

1993 Leiar Wenche Øvergaard - 8 styremøte - 71 medl.

Aktivitetar: Ope møte om radbrekkinga av boka "Vett og uvett" -- stor oppslutning

(ca. 60 menneske) og mykje blest om saka. Kulturkveld 16.11 for foreldre og elevar i

nynorskklassane -(Påmeldt pr. 2.11.93 Skjelnan 1 kl, Bjerkaker 2 kl, Tromsdalen

2 kl. tils. 90 pers berre frå Tr.dalen.. Kaldfjord, Mortensnes og Skjelnan skolar

enno ikkje svart).Tromsdalen 5 kl., Bjerkaker 1, Mortensnes 1, Skjelnan 1 og Kaldfjord (1kl.) skolar hadde då tils. 9 nyn.kl.. Frå allekontakta skolar, unnateke Kaldfjord kom delt. Over 140 menneske møtte, teaterkveld v/Hålogaland teater si Vett og uvett-framsyning. Skolemålsbrosjyren prenta og betalt m/ymse tilskott.

5588 kr i underskott, 8495 kr i eige.

1994 Leiar Ola Melby

I tida frå årsmøte 23.04.94 fram til mars 1996 4 styremøte , men ingen aktivitet

utover mot medl. iflg. ¬‡ side 2-årsmelding(80 medl i 1995.)

Trass i at ordførar Rian, Tromsø truga med å foreslå at administrasjonsmålet i

Tromsø skulle endrast frå nøytralt til bokmål, vart det ikkje liv i Tromsø-laget.

Fylkeslaget sendte brev til ordf.,

og saka vart" lagt på is".

Fylkesmållaget skipa i høve 200-årsjubileet for Tromsø by 19.mars 1994 opent

møte i Folkets hus med tema "Språkstrid i Tromsø og Troms på 1900-talet

Arbeiderpartiet og språkpolitikken. R. Lockertsen hov.innlegg.. H Tjelmeland

kommentarar med perspektiv nyare tid.

Til årsmøtet i TM 15.04.96 hadde alle spurde nekta å ta på seg leiarverv. På

møtet sa Herolv Olsen og Bjørnar Østgård seg villige til å gå inn i styret.. Ved

seinare konstituering blei Bjørnar leiar

1995,1996, 1997, 1998, 1999 har eg ikkje funne møtebøker for, men Bjørnar Østgård var

leiar -- M.a.årlig novelle/lyrikktevling i vg. skole der "Nordlys" sponsa med

5000 kr til premiar

2000 Leiar Bjørnar Østgård - 4 styremøte - 92 medl.

Arb.oppg.: Opent møte om "Språkpolitikk og språkbruk i lokal-TV" Innleiarar frå

NRK og TV Tromsø, vel 30 framm.. Opent møte om "Nynorsk som sidemål": Inn-

Leiar Oddmund Hoel, leiar i NM. Ikkje gj.ført lyrikktevling pga. manglande jury.

Nynorskkurs som sidemål for lærarar laga og lyst ut , inga påmelding.

Underskott 1.982 kr.

2001 Leiar Bjørnar Østgård -73 medl. -

Aktivitet: Bokkveld 19. des. TM fekk BUL til å arr. Garborg.kveld 11.11.2001.

Arb. m/vegnamn i Tromsø. Nynorsk aksjonsdag 12, mai(Brev til alle

barneskolane i Tromsø.). 70 noveller til novelletevlinga. Studiering

om "Nynorsken mellom det lokale og globale gjennomført m/ 4 kveldar.

Sammøte m/fylkesstyret om medlemsskapsordn. Og arb.program i NM

Rekneskapen viser overskott 4138 kr.

2002 Leiar Vigdis Tverberg

Fylkesmållaget tok initiativ via biskopen til markering av Elias Blix-året. Stort Blix-seminar i Tromsø og nyn.gudsteneste i Elverhøy-kjerka m/ delt. frå TM. Fylkesstyret la opp til reiseskrivar-rute, og TM laga medl.møte med han i Tø. Novelletevling i vg.sk. med premieutdeling 18.des.

2003 Leiar Vigdis Tverberg - 87 (67 har betalt) medl. -- 6 styremøte + 2 arb.møte -- 2 medl.møte

Aktivitet: På medl.møtet innleidde reiseskrivar Trond Sæbø Skarpeteig om

kva som fungerer i argumentasjonen for nynorsk, drøfting..

Novelletevlinga fekk berre 8 delt., utsett. Forsøk med nyn. lærebøker i

religion på Tromsdalen vg.sk. Nyn. gudsteneste i Elverhøy- kjerka

m/ delt frå TM(skriftlesing, kjerkekaffi)

Pga. tidnaud -- eg hadde berre 9 dagar til å gå gjennom alt av arkivmateriale før eg måtte ha dette notatet ferdig til festmøtet 08.12.04 -- er ikkje desse notat kvalitetssikra eller kontrollerte.

Tromsø 09.12.04

Bjørnar Østgård